Why did you choose this painting?

I’ve chosen a painting from my second solo exhibition, ‘Travelling with Black Sheep’, held in November 2014. The painting has the same title as the show. It’s acrylic on canvas with glued patches of Shan paper, which is traditionally made by hand in Shan State. I chose this painting because of my thoughts and emotions at the time. I believe the subject and my thinking and feeling about it remain relevant to today’s society and world. Black sheep, in Burmese we’d say hsone pyue, here doesn’t indicate one person or individual. It means an individual, team, group or community that’s different from the majority. People regard you as a black sheep or hsone pyue if you stand out from them. And there’s a tendency to weed them out. By itself, being different is not a problem. The real problem is the mentality that seeks to get rid of differences simply because they are different. I feel that in many societies around the world, including Myanmar, being different is viewed as a problem. But diversity is natural. We mustn’t reject it. I think no matter how different we are from each other, there’s something in common because everyone wants a free, peaceful and perfect life. I believe people live and survive with this goal, this hope, in mind. So why can’t we travel together to the future based on this goal and hope? Why would we want to say who is black and who is white? Why can’t we fly together to our golden future?

Has Myanmar changed in the past decade?

There haven’t been any changes yet. Everywhere there are racial, religious and ideological conflicts adding fuel to the fire. As long as the intelligence, morality and humanity of each individual is not improving, and all we follow is self-centric materialism, the flames of conflict will continue to burn. I don’t know when people will stop fighting each other for racial supremacy, religious extremism, ideological domination, and so on. It looks like the world has learned nothing from two major wars.

5 February 2020

I

အောင်ကြည်စိုး

ဒီပန်းချီကားကို ဘာလို့ ရွေးတာလဲ။

၂၀၁၄ ခု နိုဝင်ဘာလမှာ ပြသခဲ့တဲ့ ကျနော့်ရဲ့ ဒုတိယ တစ်ကိုယ်တော်ပြပွဲက ဒီကားကို ကျနော်ရွေးပါ့မယ်။ ပြပွဲခေါင်းစဉ်က Travelling With Black Sheep ပါ။ ပန်းချီကားရဲ့ နာမည်ကလည်း အတူတူပါပဲ။ canvas ပေါ်မှာ acrylic ဆေးကို အဓိက သုံးထားပြီးတော့…ကျနော်တို့ ရှမ်းစက္ကူလို့ခေါ်တဲ့ ပြည်တွင်းဖြစ် ရိုးရာလက်လုပ်စက္ကူ ကိုလည်း တပိုင်းတစ ကပ်ပြီး ရွှေရောင်ရေးခြယ်ထားပါတယ်။ ဘာကြောင့် ဒီကားကို ရွေးခြယ်ရလည်းဆိုရင်…. ဒီပန်းချီကားနဲ့ ဒီပန်းချီပြပွဲရဲ့ နောက်ကွယ်မှာ ရှိခဲ့တဲ့ ကျနော်ပြောချင်တဲ့ အကြောင်းအရာ ကျနော့် စိတ်ကူးစိတ်သန်း ကျနော့် စိတ်ခံစားမှုတွေကြောင့်လို့ ထင်ပါတယ်။ ပန်းချီကားရဲ့ နောက်ကွယ်က အကြောင်းအရာတွေ ကျနော်ရဲ့ တွေးမြင် ယူဆမှုတွေ စိတ်ခံစားမှုတွေဟာ ဒီနေ့ကမ္ဘာ ဒီနေ့လူအဖွဲ့အစည်းအပေါ်မှာ ဆက်လက်ဖြစ်ပျက်နေဆဲဖြစ်တယ်လို့ ကျနော့်အနေနဲ့ ထင်မြင်ယူဆမိလို့ပါပဲ။ သိုးမည်း မြန်မာလို နားလည်အောင်ပြောရရင် စုန်းပြူး ဆိုတာ ဒီနေရာမှာတော့ တစ်ဦးတစ်ယောက် တစ်ကောင်တည်းကို ကျနော့်အနေနဲ့ ညွှန်းဆိုလိုတာ မဟုတ်ပါဘူး။ အများထဲက ကွဲထွက်နေတဲ့ ခြားနားတဲ့ တစ်ဦးတစ်ယောက်ကအစ တစ်သင်းတစ်ဖွဲ့ တစ်အုပ်စု လူ့အဖွဲ့အစည်းတစ်စုလို့ ဆိုလိုချင်ပါတယ်။ လူတွေဟာ ကိုယ်နဲ့ မတူ ခြားနားလာလျှင် ကွဲပြား ခွဲထွက်နေရင် သိုးမည်း စုန်းပြူး ဆိုပြီး သမုတ်ပြစ်တင်ချင်ကြတယ်။ ထို့ထက်ပိုပြီး ရှင်းထုတ် သုတ်သင်ပစ်ချင်စိတ်ကလည်း ရှိနေတတ်ပြန်ရော။ မတူခြားနားခြင်းဟာ အပြစ်မှ မဟုတ်ဘဲ။ မတူညီတာကို မတူညီရကောင်းလားဆိုပြီး သုတ်သင်ရှင်းလင်းပစ်ချင်ကြတဲ့စိတ်အခြေအနေတွေကသာ အပြစ်။ ယနေ့ မြန်မာအပါအဝင် ကမ္ဘာ့လူ့အဖွဲ့အစည်းက မတူညီတာတွေကို ပြဿနာလုပ်နေကြတာလို့ ကျနော်တော့ မြင်မိတာပဲ။ မတူညီခြားနားခြင်းဆိုတာက လောကသဘာဝလက္ခဏာ တစ်ရပ်ပဲ။ အဲ့ဒါကို နားမလည် လက်မခံလို့မရဘူး။ ဘယ်လောက်ပဲ ကွဲပြားခြားနေကြပါစေ…တူညီတာတစ်ခုခုတော့ ရှိနေလိမ့်ထင်တယ်။ အဲ့ဒါ ဘာလဲဆိုရင် လူတိုင်း လွတ်လပ်ပြီး ငြိမ်းချမ်းသာယာပြီးပြည့်စုံတဲ့ ရှင်သန်မှုဘဝကို လိုချင်ကြသူတွေချည်းပဲလို့ ထင်ပါတယ်။ လူတွေဟာ ဒီရည်ရွယ်ချက် ဒီမျှော်လင့်ချက်နဲ့ပဲ ရှင်သန်နေထိုင်နေကြတယ်လို့ ယုံကြည်တယ်။ ဒီလိုဆိုရင် ဒီရည်ရွယ် ဒီမျှော်လင့်ချက်အပေါ်မှာ အခြေခံပြီးတော့ ဘာကြောင့်အတူတူ အနာဂတ်ခရီးကို မသွားနိုင်ရမှာလဲ။ ဘာကြောင့် ငါကဖြူတယ် မင်းကမည်းတယ် လုပ်နေကြမှာလဲ။ ရွှေရောင်တောက်ပနေမယ့် အနာဂတ်ခရီး အတူတူစုဖွဲ့ပျံသန်းဖို့ ဘာကြောင့်မဖြစ်နိုင်ရမှာလဲ?

ပြီးခဲ့တဲ့ဆယ်စုနှစ်အတွင်း မြန်မာနိုင်ငံမှာ အပြောင်းအလဲတွေရှိတယ်ထင်လား။

ပြောင်းလဲမသွားပါဘူး။ ဒီနေ့အရပ်မျက်နှာအရပ်ရပ်ကို ကြည့်လိုက်ရင် လူမျိုးရေး ပဋိပက္ခတွေ ဘာသာရေး ပဋိပက္ခတွေ ဝါဒရေးရာ ပဋိကက္ခတွေဟာ အရှိန်အဟုန်နဲ့ တောက်လောင်နေကြဆဲပါပဲ။ လူတစ်ဦးချင်းစီရဲ့ သိမှု ဉာဏ်ပညာ ၊ ကိုယ်ချင်းစာတရား၊ လူသားဆန်မှု တွေ တိုးတက်မလာသေးသ၍ ​အတိုင်းထက်အလွန် အတ္တဗဟိုပြုပြီး ရုပ်ဝတ္တုတွေနောက် သဲကြီးမဲကြီးလိုက်နေကြသေးသ၍ ပဋိပက္ခမီးတောက်တွေဟာ အရှိန်အဟုန်နဲ့ တောက်လောင်နေ့ကြပါလိမ့်ဦးမယ်။ မဟာလူမျိုးကြီးဝါဒတွေ ဘာသာရေးအခြေပြု အစွန်းရောက်မှုတွေ အယူဝါဒရေးရာ လွှမ်းမိုးချုပ်ကိုင်လိုမှုတွေ (စသဖြင့်ပေါ့လေ…) ဟာ တစ်ဖက်နဲ့တစ်ဖက် ဆန့်ကျင်တိုက်ခိုက်နေတာတွေဟာ ဘယ်အချိန်ထိ ဖြစ်ပျက်နေကြဦးမယ်ဆိုတာ မသိတော့ပါဘူး။ ကမ္ဘာဟာ စစ်ကြီး ၂ ခုနဲ့တင် သင်္ခန်းစာ မရနိုင်သေးဘူးထင်ပါရဲ့။

၂၀၂၀ ဖေဖော်ဝါရီ ၅